Google Family Link

Google Family Link është një aplikacion i kontrolleve prindërore që të ndihmon ta mbash familjen më të sigurt online. Marrëdhënia e çdo familjeje me teknologjinë është unike, prandaj kemi krijuar vegla që të zgjedhësh ekuilibrin e duhur dhe të ndihmosh për krijimin e zakoneve dixhitale të shëndetshme. Përdore aplikacionin për të shikuar si e përdor fëmija yt pajisjen e vet, për të shikuar vendndodhjen, për të menaxhuar cilësimet e privatësisë etj.

Me Family Link, mund:

• Të caktosh kufijtë për kohën para ekranit - Gjej çfarë është e përshtatshme për kohën para ekranit. Family Link të lejon të caktosh kufij kohorë ditorë, orarin e shkollës dhe oraret e periudhës joaktive për pajisjet, duke e ndihmuar fëmijën të gjejë një ekuilibër të shëndetshëm.
• Menaxho aplikacionet e fëmijës - Jepi fëmijës fleksibilitetin për përdorimin e aplikacioneve. Cakto kufij kohorë të aplikacioneve individuale dhe kohë të pakufizuar për aplikacionet edukative ose ato që përdoren rregullisht. Gjithashtu, mund të bllokosh aplikacionet.
• Menaxho se çfarë shikon fëmija online - Cakto kontrollet prindërore në shërbimet e Google si Chrome, Google Play, YouTube dhe "Kërko". Family Link të lejon të bllokosh sajtet e papërshtatshme, të kërkosh miratim për aplikacionet e reja, të menaxhosh lejet për aplikacionet/uebsajtet etj.
• Siguro llogarinë e fëmijës - Family Link të lejon të menaxhosh cilësimet e llogarisë dhe të të dhënave të fëmijës. Mund të ndihmosh për të ndryshuar/rivendosur fjalëkalimin e fëmijës, të modifikosh informacionet personale ose të fshish llogarinë e fëmijës.*

*Fëmijët mbi moshën e zbatueshme mund të menaxhojnë llogarinë e tyre.

• Shiko se ku është - Është e dobishme të gjesh anëtarët e familjes kur janë në lëvizje. Me Family Link, lokalizo fëmijët në një hartë nëse e kanë me vete pajisjen e tyre.
• Merr njoftime dhe sinjalizime - Family Link dërgon njoftime kritike, si p.sh. kur fëmija yt mbërrin/largohet nga një vend. Mund t'i biesh po ashtu ziles së pajisjeve dhe të shikosh kohëzgjatjen e mbetur të baterisë.


Informacione të rëndësishme

• Veglat e Family Link ndryshojnë në bazë të pajisjes së fëmijës. Shiko pajisjet e përputhshme në https://families.google/familylink/device-compatibility/
• Ndërkohë që Family Link ndihmon në menaxhimin e blerjeve dhe shkarkimeve të Google Play, fëmija nuk do të ketë nevojë për miratim për të instaluar përditësimet e aplikacioneve (edhe ato që zgjerojnë lejet), aplikacionet e miratuara më parë ose aplikacionet e ndara në "Bibliotekën e familjes". Përveç kësaj, miratimet e blerjeve zbatohen vetëm kur fëmija blen nëpërmjet sistemit të faturimit të Google Play, jo për blerjet nëpërmjet sistemeve alternative. Prindërit duhet të rishikojnë rregullisht aplikacionet e instaluara dhe lejet e aplikacioneve për fëmijët në Family Link.
• Duhet të rishikosh me kujdes aplikacionet në pajisjen e mbikëqyrur të fëmijës dhe të bllokosh ato që nuk i do. Shënim. Mund të mos jesh në gjendje që të bllokosh disa aplikacione të instaluara paraprakisht (p.sh. Play, Google).
• Për të shikuar vendndodhjen e pajisjes së fëmijës, ajo duhet të jetë e ndezur, aktive së fundi dhe e lidhur me internetin.
• Kontrollet prindërore të Family Link ofrohen vetëm për "Llogaritë e mbikëqyrura të Google". Me "Llogaritë e mbikëqyrura të Google", fëmijët mund të qasen në produktet e Google si "Kërko", Chrome dhe Gmail dhe prindërit mund të caktojnë rregullat dixhitale bazë për t'i mbikëqyrur ata.
• Ndërkohë që Family Link ofron vegla për të menaxhuar përvojën online të fëmijës dhe për ta mbajtur atë të sigurt online, ai nuk e bën internetin të sigurt. Family Link nuk mund të përcaktojë përmbajtjen në internet, por të jep veglat për të vendosur se si e harxhon fëmija kohën në pajisje dhe për të përcaktuar rrugën më të mirë drejt sigurisë online për familjen.