Die besonderhede van horlosieskerms

Een van die prettigste dele daarvan om ’n slimhorlosie te hê, is die talle horlosieskerms wat beskikbaar is. Met so baie om uit te kies, is dit belangrik om te weet hoe om hulle te soek en te pasmaak. Ons sit ’n paar noodsaaklikhede vir horlosieskerms uiteen om jou te help verken.

Dink aan jou horlosieskerm as jou toestel se tuisskerm. Terwyl jou horlosie met ’n standaardskerm kom, het ontwikkelaars van reg oor die wêreld ’n oënskynlik eindelose reeks skerms geskep wat deur alles van sport tot kuns tot klassieke horlosies geïnspireer is.

Maak Play op jou foon oop, en maak seker dat jy in die Apps-afdeling is. Rollees regs na die “Kategorieë”-oortjie onder die soekbalk, en tik dan op kies "Horlosieskerms”. Jy kan daar tussen verskillende versamelings gesigte blaai, insluitend minimalisties, artisties, botanies en meer.

Jy kan ook horlosieskerms soek deur terme soos ”modern” of “diereriem” te gebruik, en dan net onder die soekbalk om van “Hierdie toestel” af na jou horlosie toe oor te skakel en die horlosieskermsfilter toe te pas. Verfyn resultate volgens gradering, of hulle premium (betaald) is, en meer.

Verkies jy om op jou horlosie te blaai? Maak Play op jou horlosie oop en tik op die vergrootglas. Sluit dan “horlosieskerm” by jou navraag in, of tik op “Horlosieskerms” onder die soekbalk. Nadat jy een gekies het, kan jy dit direk na jou horlosie toe aflaai.

Jy kan talle verskillende skerms op jou horlosie stoor, en maklik tussen hulle wissel. Langdruk op jou huidige horlosieskerm om jou na ’n versameling van skerms wat jy onlangs gebruik te neem (tik op die plusteken om na al jou skerms toe te gaan). Rollees deur jou voorkomste, en tik op die skerm waarvoor jy in die luim is.

Anders kan jy jou horlosie se metgeselfoonapp gebruik waar jy die skerms kan sien wat jy afgelaai het, en die een kan kies wat jy wil dra.

Baie horlosieskerms laat jou toe om hulle te pasmaak. Gaan in jou horlosie se metgeselapp of na die horlosieskermafdeling toe en tik op die skerm wat jy wil wysig. Jy kan, afhangend van die skerm, dinge verstel soos kleur en numeriese ontwerp. Jy kan ook kies watter verwikkelinge om te wys, insluitend daaglikse treë, polsslag, datum en meer.

Om jou skerm direk van jou horlosie af te verander, moet jy op die horlosieskerm langdruk, en dan op die instellingsikoon of op “pasmaak” tik. Daarna is dit maklik om die skerm volgens jou voorkeure aan te pas.

Horlosieskerms is meer as net ’n modekeuse. Hulle kan ’n manier wees om die seisoen te vier, geliefde foto’s te deel, en jou persoonlike data na te gaan. Noudat jy die basiese dinge verstaan, kan jy voortgaan en jou beste voorkoms uitstal.