Ang mga detalye ng mga watch face

Isa sa pinakamasasayang bahagi ng pagkakaroon ng smartwatch ang napakaraming watch face na magagamit mo. Dahil maraming mapagpipilian, mahalagang malaman kung paano hanapin at i-customize ang mga ito. Para tulungan kang mag-explore, ipapaliwanag namin ang ilang mahahalagang bagay tungkol sa watch face.

Isipin ang iyong watch face bilang home screen ng device mo. Kahit na may karaniwang face ang iyong relo sa simula pa lang, gumawa ang mga developer mula sa buong mundo ng parang walang katapusang hanay ng mga face na kumuha ng inspirasyon mula sa lahat ng bagay, mula sa sports hanggang sa sining hanggang sa mga classic na timepiece.

Buksan ang Play sa iyong telepono, nang tinitiyak na nasa seksyon ng Mga App ka. Mag-scroll pakanan sa tab ng “Mga Kategorya” sa ilalim ng search bar, pagkatapos ay i-tap at piliin ang “Mga watch face.” Magagawa mo roong mag-browse ng iba't ibang koleksyon ng mga face, kasama ang minimalist, artistic, botanical, at higit pa.

Puwede ka ring maghanap ng mga watch face sa pamamagitan ng paggamit ng mga terminong tulad ng “modern” o “zodiac,” pagkatapos ay paglipat mula sa “Itong device” patungo sa iyong relo sa ibaba lang ng search bar at paglalapat ng filter ng mga watch face. Pinuhin ang mga resulta ayon sa rating, kung premium (may bayad) man ang mga ito, at higit pa.

Mas gustong mag-browse sa iyong relo? Buksan ang Play sa relo mo at i-tap ang magnifying glass. Pagkatapos, isama ang "watch face" sa iyong query, o i-tap ang "Mga Watch Face" sa ibaba ng search bar. Kapag nakapili ka na, direkta itong i-download sa iyong relo.

Puwede kang mag-store at madaling magpapalit-palit ng maraming iba't ibang face sa iyong relo. Ihahatid ka ng pagpindot nang matagal sa iyong kasalukuyang watch face sa isang koleksyon ng mga watch face na kamakailan mong ginamit (i-tap ang plus sign para ma-access ang lahat ng iyong face). Mag-scroll sa mga hitsura ng iyong relo at i-tap ang face na gusto mo.

Bilang alternatibo, gamitin ang kasamang phone app ng iyong relo, kung saan mo makikita ang iyong mga na-download na face at mapipili mo ang face na gusto mong gamitin.

Binibigyang-daan ka ng maraming watch face na i-customize ang mga ito. Mula sa kasamang app ng iyong relo, pumunta sa seksyon ng mga watch face at i-tap ang face na gusto mong i-edit. Depende sa face, puwede mong i-adjust ang mga bagay na tulad ng kulay at disenyo ng numero. Puwede mo ring piliin kung aling mga complication ang ipapakita, kasama ang mga pang-araw-araw na hakbang, bilis ng tibok ng puso, petsa, at higit pa.

Para baguhin ang iyong face nang direktang mula sa relo mo, pindutin nang matagal ang watch face, pagkatapos ay pindutin ang icon ng mga setting o “i-customize.” Mula roon, madali lang i-adjust ang face para tumugma sa iyong kagustuhan.

Higit pa sa pagpili para sa fashion ang mga watch face. Puwedeng maging paraan ang mga ito para ipagdiwang ang panahon, gamitin ang mga pinapahalagahang larawan, at suriin ang iyong personal na data. Ngayong nauunawaan mo na ang mga pangunahing kaalaman, gamitin na ang pinakamaganda mong face.