ທາງໃນ ແລະ ນອກຂອງໜ້າປັດໂມງ

ໜຶ່ງໃນພາກສ່ວນທີ່ມ່ວນທີ່ສຸດຂອງການມີສະມາດວອດແມ່ນໜ້າປັດໂມງນັບບໍ່ຖ້ວນຢູ່ປາຍນິ້ວມືຂອງທ່ານ. ດ້ວຍຕົວເລືອກອັນຫຼວງຫຼາຍ, ມັນເປັນສຳຄັນທີ່ຈະຮູ້ວິທີຊອກຫາ ແລະ ປັບແຕ່ງພວກມັນ. ເພື່ອຊ່ວຍທ່ານສຳຫຼວດ, ພວກເຮົາໄດ້ແຍກສິ່ງສຳຄັນບາງສ່ວນກ່ຽວກັບໜ້າປັດໂມງ.

ຄິດວ່າໜ້າປັດໂມງຂອງທ່ານເປັນໂຮມສະກຣີນຂອງອຸປະກອນຂອງທ່ານ. ໃນຂະນະທີ່ໂມງຂອງທ່ານມາພ້ອມກັບໜ້າປັດມາດຕະຖານຕັ້ງແຕ່ຕອນແກະກ່ອງ, ນັກພັດທະນາຈາກທົ່ວໂລກໄດ້ສ້າງໜ້າປັດທີ່ບໍ່ມີທີ່ສິ້ນສຸດໂດຍໄດ້ຮັບແຮງບັນດານໃຈຈາກທຸກຢ່າງຕັ້ງແຕ່ກິລາ, ສິນລະປະຈົນເຖິງໂມງຄລາສສິກ.

ເປີດ Play ຢູ່ໂທລະສັບຂອງທ່ານ, ກວດສອບໃຫ້ແນ່ໃຈວ່າທ່ານຢູ່ໃນພາກສ່ວນແອັບ. ເລື່ອນຂວາໄປຫາແຖບ “ໝວດໝູ່” ພາຍໃຕ້ແຖບຊອກຫາ, ຈາກນັ້ນແຕະ ແລະເລືອກ “ໜ້າປັດໂມງ.” ຢູ່ບ່ອນນັ້ນ, ທ່ານສາມາດເບິ່ງຄໍເລັກຊັນຕ່າງໆຂອງໜ້າປັດ, ຮວມທັງແບບມິນິມໍ, ແບບສິນລະປະ, ພຶກສາສາດ ແລະ ອື່ນໆ.

ທ່ານຍັງສາມາດຊອກຫາໜ້າປັດໂມງໂດຍໃຊ້ຄຳສັບຕ່າງໆ ເຊັ່ນ: “ທັນສະໄໝ” ຫຼື “ລາສີ” ຈາກນັ້ນສະຫຼັບຈາກ “ອຸປະກອນນີ້” ໄປເປັນໂມງຂອງທ່ານຢູ່ທາງລຸ່ມແຖບຊອກຫາ ແລະ ນຳໃຊ້ຕົວກັ່ນຕອງໜ້າປັດໂມງ. ປັບປ່ຽນຜົນໄດ້ຮັບໂດຍການໃຫ້ຄະແນນ, ບໍ່ວ່າຈະເປັນແບບ Premium (ແບບຈ່າຍເງິນ) ແລະ ອື່ນໆ.

ຕ້ອງການເລືອກເບິ່ງຢູ່ໂມງຂອງທ່ານບໍ? ເປີດ Play ຢູ່ໂມງຂອງທ່ານແລ້ວແຕະໃສ່ແກ້ວຂະຫຍາຍ. ຈາກນັ້ນໃຫ້ໃສ່ "ໜ້າປັດໂມງ" ໃນຄຳຊອກຫາຂອງທ່ານ ຫຼື ແຕະ "ໜ້າປັດໂມງ" ຢູ່ລຸ່ມແຖບຊອກຫາ. ເມື່ອທ່ານເລືອກແລ້ວ, ດາວໂຫຼດມັນໂດຍກົງໃສ່ໂມງຂອງທ່ານ.

ທ່ານສາມາດຈັດເກັບໜ້າປັດຕ່າງໆໄດ້ເປັນຈຳນວນຫຼວງຫຼາຍຢູ່ໂມງຂອງທ່ານ ແລະ ສະຫຼັບພວກມັນໄດ້ຢ່າງງ່າຍດາຍ. ການກົດຄ້າງໄວ້ຢູ່ໜ້າປັດໂມງປັດຈຸບັນຂອງທ່ານຈະພາທ່ານໄປຫາຄໍເລັກຊັນຂອງໜ້າປັດທີ່ທ່ານໃຊ້ຫຼ້າສຸດ (ແຕະໃສ່ເຄື່ອງໝາຍບວກເພື່ອເຂົ້າເຖິງໜ້າປັດທັງໝົດຂອງທ່ານ). ເລື່ອນເບິ່ງຮູບລັກຂອງທ່ານ ແລະ ແຕະໃສ່ໜ້າປັດທີ່ທ່ານຕ້ອງການ.

ອີກທາງເລືອກ, ໃຊ້ແອັບໂທລະສັບທີ່ໃຊ້ຮ່ວມກັບໂມງຂອງທ່ານ, ເຊິ່ງທ່ານສາມາດເຫັນໜ້າປັດທີ່ທ່ານດາວໂຫຼດໄວ້ ແລະ ເລືອກວ່າທ່ານຢາກໃສ່ອັນໃດ.

ໜ້າປັດໂມງຫຼາຍອັນອະນຸຍາດໃຫ້ທ່ານປັບແຕ່ງພວກມັນໄດ້. ຈາກແອັບຊ່ວຍເຫຼືອຂອງໂມງຂອງທ່ານ, ໃຫ້ໄປທີ່ພາກສ່ວນໜ້າປັດໂມງ ແລະ ແຕະໜ້າປັດທີ່ທ່ານຕ້ອງການແກ້ໄຂ. ອີງຕາມໜ້າປັດ, ທ່ານສາມາດປັບແກ້ສິ່ງຕ່າງໆ ເຊັ່ນ: ສີ ແລະ ການອອກແບບຕົວເລກໄດ້. ທ່ານຍັງສາມາດເລືອກວ່າຈະໃຫ້ຂໍ້ມູນແຊກໃດປາກົດຂຶ້ນໄດ້ນຳ, ຮວມທັງກ້າວປະຈຳວັນ, ອັດຕາການເຕັ້ນຫົວໃຈ, ວັນທີ ແລະ ອື່ນໆ.

ເພື່ອປ່ຽນໜ້າປັດຂອງທ່ານໂດຍກົງຈາກໂມງຂອງທ່ານ, ໃຫ້ກົດໃສ່ໜ້າປັດໂມງຄ້າງໄວ້, ຈາກນັ້ນແຕະທີ່ໄອຄອນການຕັ້ງຄ່າ ຫຼື “ປັບແຕ່ງ”. ຈາກບ່ອນນັ້ນ, ມັນງ່າຍທີ່ຈະປັບແກ້ໜ້າປັດຕາມຄວາມມັກຂອງທ່ານ.

ໜ້າປັດໂມງເປັນຫຼາຍກວ່າຕົວເລືອກແຟຊັນ. ພວກມັນສາມາດເປັນວິທີການສະຫຼອງລະດູການ, ໃສ່ຮູບພາບທີ່ໜ້າຮັກ ແລະ ກວດເບິ່ງຂໍ້ມູນສ່ວນຕົວຂອງທ່ານໄດ້. ຕອນນີ້ທ່ານມີພື້ນຖານແລ້ວ, ສືບຕໍ່ເດີນໜ້າ ແລະ ເຮັດໃຫ້ດີທີ່ສຸດ.