Сѐ за екраните на часовниците

Едно од најзабавните нешта кај паметните часовници се неброените екрани што ви се достапни за нив. Поради таквиот огромен избор, важно е да знаете како да ги пронаоѓате и да ги приспособувате. За да ви помогнеме во истражувањето, ќе ви посочиме неколку основни работи за екраните на часовниците.

Сметајте дека екранот на вашиот часовник е исто што и почетниот екран на вашиот уред. Иако вашиот часовник се испорачува со стандарден екран, програмери од целиот свет создаваат речиси бесконечна палета на екрани инспирирана од најразлични теми, од спорт, до уметност и класични часовници.

Отворете ја Play на вашиот телефон и обрнете внимание да го отворите делот „Апликации“. Лизгајте надесно до картичката „Категории“ под полето за пребарување, а потоа допрете и изберете „Екрани на часовникот“. Таму ќе може да прелистувате голема збирка на екрани, вклучувајќи минималистички, уметнички, ботанички и друго.

Може и да пребарувате екрани на часовници преку поимите како „модерен“ или „хороскоп“, а потоа да се префрлите од „Овој уред“ на часовникот веднаш под полето за пребарување и да го примените филтерот за екрани на часовници. Рафинирајте ги резултатите според оцената, според тоа дали се премиум (дали се плаќаат) и друго.

Повеќе сакате да прелистувате на часовникот? Отворете ја Play на часовникот и допрете ја лупата. Потоа внесете „екран на часовникот“ во вашето барање или допрете „Екрани на часовници“ под полето за пребарување. Откако ќе изберете екран, преземете го директно на часовникот.

Може да зачувате голем број различни екрани на часовникот и едноставно да ги менувате. Ако долго притиснете на вашиот тековен екран на часовникот, ќе ви се прикаже збирка на последно користените екрани (допрете на знакот „плус“ за да ги отворите сите екрани). Прелистувајте ги опциите и допрете го екранот што ви се допаѓа.

Може и да ја користите придружната апликација за телефон на вашиот часовник, каде што ќе може да ги видите преземените екрани и да го изберете оној што сакате да го носите.

Многу екрани на часовниците ви овозможуваат да ги приспособувате. Во придружната апликација на часовникот, отворете го делот со екрани на часовникот и допрете го екранот што сакате да го измените. Зависно од екранот, може да ги приспособувате параметрите како што се бојата и нумеричкиот дизајн. Може да изберете и кои компликации сакате да бидат прикажани, вклучувајќи ги дневните чекори, пулсот, датумот и други.

За да го промените екранот директно во часовникот, долго притиснете на екранот, а потоа допрете ја иконата за поставки или „приспособи“. Од таму лесно може да го приспособите екранот според вашите потреби.

Екраните на часовникот не се само моден детаљ. Тие може да бидат начин да се прослави сезоната, да се понесат омилените фотографии и да се проверуваат вашите лични податоци. Сега откако се запознавте со основите, изберете го најдобриот екран за вас.